Die Ginsheimer Kerb

Liebe versammelte Ginsemer Leut!

Ein trauriger Anlass hat uns heut, an dieser Stelle zusammengeführt
und wir sind alle tief gerührt!
Warum? Weshalb? Des wisst ihr jo, ach! unser Kerb is net mehr do!

In dieser stillen Abendstunde, honn mir uns hier zusamme gefunde,
Abschied zu nehme von uns'rer "Lies", wie's jedes Jahr so üblisch iss.

Wos war des doch e goldisch Bopp, verdreht hot sie uns all de Kopp,
genau wie uns're Pionier, mit dene mir gelandt sinn hier.

Doch damit war's noch net genug, es liebt sie auch der Spielmannszug.
Vom Bischemer Carnevals-Verein, alle gehorschten ihr allein.

Während der ganze Kerwezeit unn ach in Ginsem alle Leit',
honn treu unn brav in jedem Falle, mit uns'rer Lies ihr Kerb gehalle!

Jetzt isses aus - sie ging dahin, wie korz so verrzeh Daach doch sinn,
wir alle tun des sehr bedauern, tun ehrlisch um die Kerb heit trauern!

So will isch denn mein Nachruf halte, unn wähl dazu den Spruch - den alte,
alles im Lewe iss vergänglisch, unn nur de Kuhschwanz der iss länglisch!

Vergänglisch war'n die viele Woche, wo mir honn unser Fest beschbroche!
Vergange iss die Müh' unn Plage, die Vorbereitungs-Arbeitstage.

Jedoch vergange sinn ach heit', die Kerwetag', der Spass, die Freud'.
Wo mir in Stummung war'n unn Schwung, jetzt bleibt nur die Erinnerung!

Unn aach die Hoffnung für uns alle, dass unser Kerb in jedem Falle,
grad wie sie heute von uns geht, im nächsten Jahre aufersteht.

Unn dass wir alle um die Reih', gesund dann widder sinn dabei.
Jedoch zum Schluss will ich jetzt doch, recht herzlich mich bedanke noch.

Unn in de Kerweborsch ihr'm Name, bei alle Ginsemer die kame,
unn honn mit uns unn uns're Gäst, gefeiert unser Heimatfest.

Unn damit iss mein Spruch zu End, symbolisch werd die "Lies" verbrennt,
unn wenn dann aufsteige die Flamme, dann wolle mir uns all' zusamme,
gemeinsam das Gelöbnis gewwe: "die Ginsemer Kerb muss weiterlewe"!